BURNING NEWS✍️Rajesh Sharma
ਹੁਸ਼ਿਆਰਪੁਰ, 30 ਸਤੰਬਰ -ਬੀਤੀ ਰਾਤ ਪਏ ਮੁਸਲੇਧਾਰ ਮੀਂਹ ਦੇ ਚੱਲਦਿਆਂ ਪਿੰਡ ਸ਼ੇਰਪੁਰ
ਬਾਹਤੀਆਂ ‘ਚ ਮਜ਼ਦੂਰਾਂ ਦਾ ਇੱਕ ਪਰਿਵਾਰ ਤੇਜ਼ ਹੜ ਦੇ ਵਹਾਅ ‘ਚ ਰੁੜ• ਗਿਆ। ਹਾਲਾਂਕਿ ਕੁੱਝ ਪਰਿਵਾਰਕ ਮੈਂਬਰਾਂ ਨੇ ਆਪਣੀ ਜਾਨ ਬਚਾ ਲਈ, ਪ੍ਰੰਤੂ ਇੱਕ ਔਰਤ ਅਤੇ ਉਸ ਦੀ ਚਾਰ ਸਾਲਾ ਬੱਚੀ ਪਾਣੀ ਦੇ ਤੇਜ਼ ਵਹਾਅ ‘ਚ ਰੁੜ• ਗਈਆਂ। ਘਟਨਾ ਦਾ ਪਤਾ ਲੱਗਦਿਆਂ ਹੀ ਇਲਾਕੇ ਦੇ ਲੋਕਾਂ ਵਲੋਂ ਰਾਹਤ ਅਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ ਗਏ ਅਤੇ ਭਾਰੀ ਜੱਦੋ-ਜ਼ਹਿਦ ਤੋਂ ਬਾਅਦ ਔਰਤ ਸੀਮਾ (30) ਪਤਨੀ ਰਾਜੂ ਦੀ ਲਾਸ਼ ਪਿੰਡ ਬਸੀ ਗੁਲਾਮ ਹੁਸੈਨ ਦੇ ਚੋਅ ‘ਚੋਂ ਬਰਾਮਦ ਕੀਤੀ ਗਈ, ਜਦਕਿ ਬੱਚੀ ਗੀਤਾ (4) ਦੀ ਭਾਲ ਅਜੇ ਤੱਕ ਕੀਤੀ ਜਾ ਰਹੀ ਸੀ। ਉਕਤ ਔਰਤ ਅਤੇ ਬੱਚੀ ਨੇਪਾਲੀ ਮੂਲ ਦੇ ਦੱਸੇ ਜਾ ਰਹੇ ਹਨ ਅਤੇ ਉਹ ਇੱਥੇ ਪੋਲਟਰੀ ਫਾਰਮ ‘ਚ ਕੰਮ ਕਰਦੇ ਸਨ ਅਤੇ ਚੋਅ ਦੇ ਨਜ਼ਦੀਕ ਹੀ ਮਕਾਨ ਬਣਾ ਕੇ ਰਹਿ ਰਹੇ ਸਨ। ਘਟਨਾ ਦਾ ਪਤਾ ਲੱਗਦਿਆਂ ਹੀ ਥਾਣਾ ਸਦਰ ਦੇ ਏ.ਐਸ.ਆਈ. ਰਾਜ ਕੁਮਾਰ ਤੇ ਪੁਲਿਸ ਪਾਰਟੀ ਨੇ ਮੌਕੇ ‘ਤੇ ਪਹੁੰਚ ਕੇ ਸਾਰੇ ਹਲਾਤਾਂ ਦਾ ਜਾਇਜ਼ਾ ਲਿਆ ਅਤੇ ਪਰਿਵਾਰ ਨੂੰ ਵਿਸ਼ਵਾਸ ਦਿਵਾਇਆ ਕਿ ਉਹ ਜਲਦ ਹੀ ਬੱਚੀ ਨੂੰ ਲੱਭ ਲੈਣਗੇ। ਸੂਤਰਾਂ ਅਨੁਸਾਰ ਜਦੋਂ ਚੋਅ ‘ਚ ਹੜ• ਆਇਆ, ਉਸ ਸਮੇਂ ਪਰਿਵਾਰ ਦੇ 7 ਮੈਂਬਰ ਘਰ ‘ਚ ਸੁੱਤੇ ਪਏ ਸਨ।
